Helburuak

.

• Gizarte-bazterkeriako egoeran edo arriskuan dauden pertsonei enplegua eskuratzen eta mantentzen laguntzea.
• Gizarte-bazterkeriako egoeran edo arriskuan dauden pertsonen kualifikazioaren eta lan-merkatuaren beharren arteko desoreka arintzea eta murriztea.
• Talde kalteberetako pertsonak gizartean eta lan-merkatuan integratzea, biztanleria aktiboaren tasak handituz.
• Genero-arrakalak murriztea eta trantsizio berdea eta digitala ahalbidetzea

• Pertsonei laguntzea gizarteratze- eta laneratze-ibilbide indibidualizatu eta pertsonalizatua garatzen, prozesuaren arrakasta bermatuko duen partaidetza- eta kalitate-ikuspegi batetik, eta, bereziki, emakumeen kasuan, eta horien artean genero-indarkeria jasan dutenen kasuan, haien ahalduntzea bultzatuz.
• Pertsonen gaitasun soziolaboralak eta profesionalak hobetzea, iraunkortasunaren eta beste batzuen (puntualtasuna, garbitasuna, ordena, erantzukizunak hartzea, eta abar) arloko oinarrizko gaitasunak, komunikaziokoak (hizkuntzazkoak zein digitalak) eta gaitasun tekniko profesionalak garatuz, eragiketatik igaro ondoren lor ditzakeen kalitatezko lanpostuen profilari dagokionez.
• Pertsonak orientatzea eta gaitzea kalitatezko enpleguetara egokitzeko eta horietan integratzeko trantsizio digital, ekologiko eta demografikoekin lotutako sektore emergenteetan, lan-merkatu horretan aldeko jarrera, interes, ezagutza, prestakuntza eta gaitasunak garatuz. Emakumeak sektore maskulinizatuetan eta gizonak sektore feminizatuetan sar daitezen bultzatzea.
• Pertsonaren (pertsonala, familiakoa, soziala eta lanekoa) garapen integrala lortzea, batez ere emakumeena, gizarteratzearen eta laneratzearen ikuspegitik, haren erreferentzia-esparru psikologikoa, soziala eta fisikoa indartuz eta jarrerak, jokabideak eta ezagutzak sendotuz edo hobetuz, pertsonen arteko harremanak eta parte-hartze komunitarioa garatuz, eta pertsonak bere eskubideak babes-sistemetan, gizarte-zerbitzuetan, diru-sarreren bermean, etxebizitzan, hezkuntzan eta osasunean eskuratzea eta gauzatzea ahalbidetuz.